Tolosaldeko Hitza

2008-09-08 | 12:05:24

Itsaso Leunda Espainiako txapelduna

Hernialdearrak ezustekoa eman zuen Valladoliden jokatutako proban

Itsaso Leunda hernialdearrak Espainaiko Errepideko Txirrindulari Txapelketa eskuratu du Valladoliden. Ezustekoa eman du Leundak, ez baitzegoen faboritoen artean. Talde batek sortutako ihesaldian sartu zen eta La Garganta mendatean beste txirrindulari batekin, Fatima Blazquezekin, aldegin zuen talde horretatik. Helmugara gerturatzen ari zirela, Leundak erasoa jo zuen eta bakarrik iritsi zen.

Ez du erantzunik

2008-07-02 | 13:06:55

Lurjabeek ez dute eman AHTren inguruko zundaketak egiteko baimenik

Informazio gehiago eskatu dute proiektuaren inguruan gaur egindako bileran

Bilera egin dute gaur goizean Hernialden zenbait lurjabeek eta AHTren inguruko zundaketa egiten dituen Typsa enpresako ordezkariek. Bertan, lurjabeek ez dute baimenik eman zundaketarik egiteko eta AHT proiektuaren inguruan informazio gehiago eskatu dute. Bilera eta gero, lurjabeek "Informazio gehiago, inposaketa gutxiago" jartzen zuen kartelekin protesta egin dute.

Ez du erantzunik

2004-05-10 | 17:20:28

Larehun lagun Erniopeko mendi ibilaldian

Giro eskasarekin baina euririk gabe egin zen herenegun Erniopeko Zortzi Herrien IV. Ibilaldia. 467 lagunek eman zuten izena, baina azkenean 408 atera ziren Hernialdeko plazatik, eta horietatik 368 izan ziren hamaika orduren ondoren proba bukatzea lortu zutenak. Goizeko seietan eman zitzaion hasiera probari, eta Ernio azpian geratzen diren zortzi herriak zeharkatzen zituen ibilaldiari ekin zioten partaideek. Eguraldia ez zen oso ona izan, eta bidea lokatzez beteta zegoen, baina euririk ez zuen egin, eta antolatzaileak gustura geratu ziren. Ibiltariek ere esperientzia ona izan zela azaldu zuten behin proba bukatu ondoren, nahiz eta kontrolgune batzuetan ilaratan zain egon behar izan. Behin Hernialdera itzulita, erregularrenari saria eman zitzaion. Arkume bat eraman zuen, eta beste zazpi lagunek beste hainbat sari eraman zituzten, zozketaz banatuak.

Ez du erantzunik